Siglir tar il cuntegn

Header

audio
10 onns aua sco dretg uman: La Svizra è privilegida
Or da Actualitad dals 28.07.2020.
laschar ir. Durada: 2 minutas 33 Secundas.
cuntegn

10 onns – aua sco dretg uman «Nus essan privilegiads en Svizra»

Avant 10 onns ha l’ONU definì l’aua sco dretg uman. E tuttina datti anc adina 800 milliuns persunas che cumbattan mintga di per l’aua.

En Svizra è l’aua currenta ina chaussa che sa chapescha da sasez. En auters pajais è quai dentant in luxus. Tenor l’ambassadur d’aua Ernst Bromeis saja stà in pass impurtant da definir l’aua sco dretg uman. Tuttina saja quella lescha vegnida fitg tard, quai schegea che l’aua saja insatge dal pli essenzial. Ussa, 10 onns pli tard, vivan milliuns persunas anc adina sut circumstanzas grevas uschia sco avant.

Anc adina mora mintga per secundas ina persuna da la said. Quai è ina tragedia.
Autur: Ernst Bromeis ambassadur d'aua

Avair in dretg n’è betg il medem sco in duair

Savens sajan ils pertutgads povers e n'hajan betg la pussaivladad da far diever da lur dretg. Nus en Svizra sajan percunter privilegiads dad avair aua currenta e schubra. Perquai na sajan nus gnanc conscients che quella problematica exista en auter lieus. Perquai stoppian nus daventar pli conscients e sviluppar l’obligaziun da gidar als pertutgads. Dentant betg cun duvrar pli pauc aua en noss mintgadi, quai n'haja nagina influenza sin il bainstar dals pertutgads. Meglier fissi da fidar las organisaziuns caritativas e da far ina u l’autra donaziun che po vegnir utilisada al dretg lieu.

RTR actualitad 17:00

Artitgels legids il pli savens