Siglir tar il cuntegn

Header

Navigaziun

Legenda: Tadlar il audio Bunura: Reputaziun da la clinica Beverin è sa midada. Durada 03:46 minutas.
Or da Actualitad dals 16.05.2019.
cuntegn

100 onns clinica Beverin La reputaziun è bler meglra ch'ina giada

Durant ils davos 100 onns è la clinica Beverin a Cazas sa midada fermamain. L'infrastructura e las metodas da tractament en ozendi fitg differentas a quellas avant in decenni, cun quai è era la reputaziun da la clinica sa midada.

Avant 100 onns era la clinica Beverin ed il conturn stgir, trist e grev. Uschia imaginescha quai il manader da fatschenta Josef Müller. Ils bajetgs eran fitg differents a quels dad ozendi. I na devia betg chombras da durmir, mabain salas da durmir cun 40 enfin 50 letgs. Las duschas erian en il plaun sutterrana ed i deva mo uders per sa lavar. Ozendi sajan las chombras percunter fitg confortablas.

Ozendi fiss quai nunimaginabel.
Autur: Josef Müllermanader da fatschenta PDGR

Tut in auter maletg

Betg mo l'infrastructura e las metodas èn sa midadas fermamain en la clinica a Cazas. Era il maletg en la populaziun, quai manegia il manader da fatschenta ed era il president dal cussegl d'administraziun Fadri Ramming. Ozendi saja pli normal ed usità che persunas dovran agid tar problems psichics. Uschia saja il maletg da la clinica Beverin ozendi tut in auter che avant decennis.

Oz èsi pli cler ch'ina persuna tschertga agid sch'ella ha problems psichics.
Autur: Fadri Rammingpresident dal cussegl d'administraziun PDGR

RR actualitad 08:00

Ord l'archiv:

Legenda: Guardar il video 1974: Novs bajetgs da la clinica psichiatrica Beverin e Giuvaulta. Durada 02:08 minutas.
Or da RTR dals 03.11.1974.