Siglir tar il cuntegn

Chantun 114 enstagl da 125 vischnancas grischunas

Approvescha il parlament grischun ils messadis da las ultimas fusiuns da vischnancas dumbra il chantun a partir da l’auter onn be pli 114 enstagl da 125 vischnancas. La regenza ha approvà ils messadis da las 4 fusiuns da Claustra-Serneus, Luzein, Sursaissa Mundaun e Surses.

Las vischnancas da la nova vischnanca da Surses.
Legenda: Las vischnancas da la nova vischnanca da Surses. Keystone

La fusiun da Claustra-Serneus vegn sustegnida dal chantun cun ina contribuziun da promoziun da 3,3 milliuns francs, la nova vischnanca da Luzein survegn 1,75 milliuns, Sursaissa Mundaun vegn sustegnì cun 1,9 milliuns e la fusiun da Surses survegn 8,8 milliuns francs.

Il Cussegl grond decida en sia sessiun da december davart las 4 fusiuns da vischnancas.

RR novitads 11:00