La Viafier Matterhorn Gottard e l’interpresa svizra Stadler han suttascrit il mardi ils contracts, per 12 trens da rodas dentadas cun autotracziun. En funcziun duain quels ir en trais onns e mez.
L'empustaziun è l'emprima da duas etappas per modernisar la Viafier Matterhorn Gotthard. En tut vul la MGB cumprar en il rom da sia strategia da flotta 2030 – 27 novs trens d'autotracziun per total 300 milliuns francs.
Tren per fin a 1'000 passagiers
Ils novs trens da Stadler duain esser en funcziun sin l’entira rait da la MGB, pia da Zermatt fin a Mustér. La capacitad munta a fin a 990 passagiers. Ils tests cun ils novs trens vul la MGB far davent da la stad 2022, la fin dal 2023 duain els lura pudair cursar tenor l’urari regular.
audio
Per tadlar curt e cumpact
ord Novitads dals 11.03.2020.
Maletg: RTR
laschar ir. Durada: 51 Secundas.