Siglir tar il cuntegn

Header

cuntegn

150 empè da 50 persunas Cuira sto schluccar sias prescripziuns

La citad da Cuira aveva fixà il venderdi la cifra tar 50 persunas, ella sto ussa dentant surpigliar davent da damaun las reglas chantunalas che pretenda ina valitaziun da ristg a partir da 150 persunas. La citad beneventa il scleriment, deplorescha questa decisiun ma exprima era critica.

Cuira sto s'adattar

La citad è da l'avis che las mesiras da fin ussa sajan sa mussadas sco bunas. Las novas reglas cunter il coronavirus sajan main fermas. I saja dentant bun ch'ils chantuns hajan da nov ina regulaziun unifitgada. Cunquai ch'ils chantuns vischins n'hajan betg gì ina clera regulaziun, saja quai stà grev per la citad da Cuira da prender decisiuns che fetschian senn. La citad da Cuira crititgescha dentant era la decisiun: ina clera responsabladad e cumpetenza al chantun Grischun e la citad saja uss tuttenina vegnia midada da la Confederaziun.

Las mesiras valan davent dal 6 da mars e valan per entant fin ils 15 da mars 2020.

audio
Citad da Cuira mida strategia
ord Actualitad dals 05.03.2020.
laschar ir. Durada: 15 Secundas.

Novas restricziuns

Sin fundament da la sperta derasaziun dal coronavirus en Svizra ha la Confederaziun admess ier mesemna novas restricziuns. Il chantun Grischun ha perquai deliberà oz ina nova disposiziun. Sper tut las novas mesiras d'igiena duai tar occurrenzas da 150 persunas vegnir fatg ina valitaziun da ristg.

RTR novitads 17:00

Artitgels legids il pli savens