Siglir tar il cuntegn

Header

Ina clav-chombra ch'è sin ina maisa. Davostiers in letg dubel.
Legenda: Il mars 2015 hai dà 115’000 damain pernottaziuns en il Grischun. Keystone
cuntegn

Chantun 17% damain pernottaziuns en il Grischun

L’hotellaria grischuna ha nudà marcantamain damain pernottaziuns il mars 2015. Cumpareglià cun il medem temp da l'onn passà, è il dumber sa reducì per 17%, quai ch'è in minus da 115’000 pernottaziuns.

Il Grischun noda cun quai il pli grond minus aifer l'entira Svizra, suandà dal Vallais e da la Part Sura Bernaisa, uschia communitgescha l’Uffizi federal per statistica.

Situaziun alarmanta

Tenor Andreas Züllig, president da Hotelleriesuisse, hajan els quintà cun damain pernottaziuns. Dentant ch’il regress saja uschè aut n’avessian els betg spetgà. Quai saja fitg alarmant per l'hotellaria grischuna.

Giasts da l’Europa mancan

Guardà sin l’entira Svizra èn las pernottaziuns sa reducidas per 7,4%. Cunzunt han mancà giasts da l’Europa, quai pervi dal ferm franc svizzer.

RR novitads 10:00

Artitgels legids il pli savens

Scrollar a sanestra Scrollar a dretga