Siglir tar il cuntegn

Header

cuntegn

2'000 kilometers en 4 mais Christina Ragettli è ida a pe tras las Alps

Da Triest a Monaco maina la Via Alpina cotschna. Quella è Christina Ragettli da Flem viandada durant 4 mais. Bun 2'000 kilometers, atras 6 pajais, sur 100 pass e sur 100'000 meters sur mar.

Via Alpina cotschna

Avrir la box Serrar la box

La finamira da la Via Alpina è da colliar tut ils stadis da las Alps – pia l'Italia, la Slovenia, la Germania, l'Austria, la Svizra, il Liechtenstein, la Frantscha e Monaco. La via maina da Triest fin a Monaco.

Pervia da la situaziun actuala ha Christina Ragettli stuì scursanir in zic sia gita. Ella è l'emprim viandada da Martingy a Triest e lura da Martingy a Monaco. en media è ella chaminada durant quels 4 mais mintga di 20 kilometers.

audio
Christina Ragettli: 2'000 kilometers en 4 mais
ord Actualitad dals 10.11.2020.
laschar ir. Durada: 3 minutas 9 Secundas.

Inspirà auters da viagiar

Per tegnair ses amis e la famiglia adina sin il current ha la dunna da 28 onns documentà ses viadi en in blog. Circa ina giada ad emna ha ella publitgà insatge sur da ses viadi. Dentant na be famiglia ed amis han mussà interess. Chrisina Ragettli ha survegnì blers feedbacks era dad autras persunas.

Blers han scrit a mai ch'els sajan ids a viandar l'emprima giada sulets. U ch'els hajan durmì l'emprima giada en ina tenda persuls. Quai chat jau cool che jau hai pudì inspirar persunas da gughegiar insatge.
Autur: Christina Ragettli

Per il mument resta la Via Alpina per ella in viadi unic. Ussa turna la giuvna da Flem enavos tar ses mastergn en il marketing.

video
2'000 kilometers, 6 pajais, passa 100 pass – Christina Ragettli ha fatg la Via Alpina
Or da Telesguard dals 10.11.2020.
laschar ir. Durada: 3 minutas 56 Secundas.

RTR actualitad 12.00

Artitgels legids il pli savens