Siglir tar il cuntegn

Chantun 2'800 Rumantschas e Rumantschs èn gia registrads

Dapi ils 15.05.2015 davent las 15:15 dumbra la Lia Rumantscha la populaziun rumantscha. Fin uss èn registrads passa 2800 Rumantschas e Rumantschs da tut las vegliadetgnas.

um che sesa davos la maisa e registrescha rumantschs
Legenda: Anc fin il 2019 pon ins sa laschar registrar sco Rumantsch. LR

Dapi onns na san ins betg pli, quants rumantschs ch’i dat propi. Dumbraziuns exactas n’èn betg pli vegnidas fatgas dapi l’onn 2000. Lura devi anc 60’000 Rumantschas e Rumantschs. Dapi lura fan ins mo pli calculaziuns approximativas. Perquai vul la Lia Rumantscha registrar sche pussibel tut las persunas ch'èn tenor els Rumantschs.

Però la finamira la pli impurtanta da la dumbraziun saja da colliar las Rumantschas ed ils Rumantschs sur ils cunfins, dal Grischun fin giu la Bassa e sin tut il mund.
L’acziun da la registraziun dura en tut 4 onns fin il 2019. L’onn dal 100avel anniversari da la Lia Rumantscha.
Sa registrar pon ins cun ir speravia u cun dar in telefon a la Lia Rumantscha. Era pon ins sa registrar sin la pagina da la Lia Rumantscha www.liarumantscha.ch u a las differentas occurrenzas da la Lia Rumantscha.