2. abitaziuns: Guid d'orientaziun per vischnancas ed interpresas

En il Grischun survegnan vischnancas e patruns da construcziun agid d'orientaziun per applitgar la lescha federala da las abitaziuns secundaras LAS ch'è ida en vigur l'entschatta da l'onn. L'agid dal chantun cuntegna l'emprim cussegliaziuns fin ch'ina pratica giudiziala saja sa stabilisada.

pliras chasas da vacanzas Bild in Lightbox öffnen.

Legenda da maletgs: Il Grischun porscha agid d'execuziun tar la lescha davart las secundas abitaziuns. Keystone

Il document sa drizza a vischnancas cun ina cumpart d'abitaziuns secundaras da passa 20% ed a talas ch'èn al cunfin da la limita. Il document cuntegna respostas ed exempels concrets per las dumondas d'applicaziun che sa tschentan il pli savens.

Quest agid cuntegna recumandaziuns d'applicaziun provisoricas dal departament per mauns da las autoritads communalas. El vala fin ch'ina pratica da dretgira confermada è avant maun. Cumpetentas e responsablas èn e restan las vischnancas ch'èn obligadas envers la lescha ed envers las sentenzias giudizialas en chaussa, uschia scriva il Departament d'economia publica.

Igl è previs d'adattar il document periodicamain a las novas enconuschientschas ed a las novas sentenzias giudizialas.

RR novitads 10:00