Plinavant vul il chantun anc sustegnair pli fitg las vischnancas. Ina uschè numnà agid d'execziun (Vollzugshilfe) saja en lavur. Ils proxims mais vegnan messas online infurmaziuns ed explicaziuns tar la lescha per gidar las vischnancas, ma era privats, da respunder las dumondas e d’interpretar ils differents cas tenor la lescha.
Exempels concrets
Tomas ha ina stalla amez in vitg en il Surses. Quel è en ina zona da bajegiar. La stalla è veglia, croda bunamain ensemen. Tomas dastga renovar la stalla e vender ella sco abitaziun secundara. Dentant mo, sche la stalla è fixada sco impurtanta per il maletg dal vitg e sch’igl n’è betg pussaivel da vender ella sco emprima abitaziun.
Clau , ch’è oriund dal Grischun, abita e lavura a Turitg. Ils geniturs, ch'han abità en il Grischun, moran e Clau erta la chasa. Quella vegniva duvrada sco emprima abitaziun. Clau astga uss vender u duvrar la chasa sco abitaziun secundara, perquai che quella è vegnida bajegiada avant la votaziun da l’iniziativa.