Siglir tar il cuntegn

Header

video
Il chantun investescha 20 milliuns francs en prevenziun d'incendis da guaud
Or da Telesguard dals 17.04.2019.
laschar ir. Durada: 3 minutas 57 Secundas.
cuntegn

Chantun 20 milliuns francs per prevenziun d'incendis da guaud

Tant vul il chantun investir ils proxims 10 onns en la prevenziun d'incendis da guaud. Cun quels daners duain tranter auter vegnir construids 66 novs batschigls d'aua per stizzar fieu sco era vegnir renovads otg lieus da tschiffar aua.

Punct da partenza per scriver il rapport «Prevenziun cunter incendis da guaud 2030» è stà il grond incendi la fin 2016/entschatta 2017 a Soazza en Val Mesauc. 119 hectaras guaud èn quella giada brischadas giu – igl è dentant gartegià detg bain als responsabels (pumpiers, protecziun civila, militar, uffizi forestal etc.) da retegnair il grond fieu ed evitar ina catastrofa.

Ma pertge è quai gartegià? È quai be stà cletg? Tge schabegiass, sch'il fieu rumpess or en in'autra regiun dal Grischun? L'Uffizi chantunal da guaud e privels da la natira è ì suenter a questas dumondas.

audio
Saira: Concept per prevenziun d'incendis da guaud
ord Actualitad dals 17.04.2019.
laschar ir. Durada: 2 minutas 36 Secundas.

Investiziuns da 20 milliuns francs fin il 2030

Il rapport ha mussà, ch'i dat anc bler da far, cunzunt en las regiuns dal nord dal Grischun:

En il sid dal chantun essan nus gia bain equipads. Uschia vegni uss a dar pli blers novs batschigls d'aua en la part dal nord.
Autur: Reto Hefti selvicultur chantunal da l'Uffizi da guaud e privels da natira

La situaziun na saja per il mument dentant betg dramatica. Tuttina hajan ins decidì d'investir 20 milliuns francs fin l'onn 2030, per pudair agir meglier en cas d'urgenza.

  • construcziun da 66 novs batschigls d'aua e renovaziun dad 8 lieus existents da tschiffar aua (custs: 19 milliuns francs)
  • nov material da pumpiers cunter incendis da guaud per ils differents puncts da sustegn (custs: 1 milliun francs)
  • pumpiers duain vegnir scolads e sensibilisads meglier tras furmaziun
  • metter pli ferm paisa sin l'infurmaziun da la populaziun

RR novitads 10:00

Artitgels legids il pli savens