Siglir tar il cuntegn

Chantun 20 onns Agentura da Novitads Rumantscha

L'Agentura da Novitads Rumantscha è vegnida fundada ils 7 da fanadur 1996. L'ANR vegn finanziada spezialmain tras contribuziuns da Confederaziun e Chantun. Ella è ina instituziun autonoma cun ina structura organisatorica independenta da las gasettas, radio e televisiun.

Scrittira Agentura da Novitads Rumantscha.
Legenda: Agentura da Novitads Rumantscha po festivar 20 onns. RTR

L'ANR procura mintga di ina offerta da basa da novitads en tuts idioms ed en rumantsch grischun. Ella resguarda per regla ils idioms, sch'ella derasa communicaziuns localas. L'agentura fa dentant per regla diever dal rumantsch grischun, sch'ella sa drizza a l'entira cuminanza linguistica. Schurnalists da l'ANR èn scumpartids sin tut il Grischun. Dentand era a Berna ed ad Uznach lavuran schurnalists per l'agentura.