Siglir tar il cuntegn

Header

video
20 onns centrala d'agid
Or da sil punct dals 01.07.2019.
laschar ir. Durada: 1 minuta 59 Secundas.
cuntegn

20 onns centrala d’agid 800’000 giadas sustegn grazia a 144

Exactamain dapi 20 onns porscha il clom d’agid sanitar dal Grischun sustegn en situaziuns d’urgenza. Per il chantun Grischun raschun avunda da far endament il clom d’agid sanitar 144, scriva el en ina communicaziun a las medias.

Il 144 GR en intginas cifras:

  • 1 da fanadur 1999 – il di dal cumenzament dal clom d'agid dal Grischun, quella giada anc cun centrala a Glion
  • 11 persunas – tantas collavuraturas e collavuraturs lavuran tar il clom d'agid
  • 24 uras – il servetsch è cuntanschibel di e notg
  • Echo112 – cun questa app da smartphone collavura il 144 GR
  • 144 – il clom d'agid sanitar
  • 800'000 persunas – tantas èn vegnidas sustegnidas dapi ch'i dà il clom d'agid dal Grischun

audio
Bunura: 20 onns 144 – in sguard davos las culissas
ord Actualitad dals 02.07.2019.
laschar ir. Durada: 2 minutas 47 Secundas.

Co reagir en situaziun d'urgenza?

Avrir la box Serrar la box

Per pudair gidar svelt e tenor plan èsi impurtant da restar calm e da respunder a la centrala per cas d'urgenza sco emprim las dumondas:

  • Tgi – è al telefon?
  • Nua – sa chatta il cas d'urgenza?
  • Tge – è capità?
  • Quantas persunas – èn involvidas?

Per persunas pertutgadas, ma er per persunas che gidan èsi quietant da savair, che al numer d'urgenza 144 è persunal medicinal scolà professiunalmain che dat instrucziuns al telefon per l'emprim agid, che las accumpogna durant la situaziun d'urgenza e che organisescha tut il necessari.

La centrala dal clom d'agid 144 dal Grischun stat a disposiziun di e notg a la populaziun grischuna per tut ils cas d'urgenza medicinals ed er psicosocials.

En cas da dubi vala: pli gugent clamar ina giada memia bler che memia pauc.

RR novitads 12:00

Artitgels legids il pli savens