Siglir tar il cuntegn

Header

audio
Bunura: Il problem cun il rument a la festa da Cuira
Or da Actualitad dals 16.08.2019.
laschar ir. Durada: 3 minutas 39 Secundas.
cuntegn

20 tonnas rument Perquai reutilisar enstagl da bittar – er a la festa da Cuira?

La festa da Cuira carmala mintga onn bun 80'000 persunas en la chapitala. Cun festas grondas vegn dentant er producì bler rument. Auters eveniments han gia introduci in sistem cun vaschella reutilisabla. Per la festa da Cuira vegn quai il mument dentant betg en dumonda.

3 dis, 80'000 persunas, in program da festa cun passa 50 bands e radund 50 stans da mangiar – quai è la festa da Cuira. E tar questa festa sa rimnan bun 20 tonnas rument.

Dentant betg sin il Hegisplatz. La vulan las uniuns IG Sennhof ed il cabinet dals visiunaris festivar quest onn be cun vaschella reutilisabla e cun products durabels.

Per tut la festa dentant betg uschè simpel

Tenor la presidenta dal comité d'organisaziun, Andrea Thür-Suter, na saja quai betg uschè simpel d'introducir in sistem reutilisabel per tut la festa da Cuira. Gia avant dus onns saja il comité sa fatschentà cun quella idea.

Cunquai che la festa vivia dentant da gronda part dad uniuns privatas, che mainan ils stans da gastronomia, e che la citad veglia da Cuira na saja betg cuntanschibla cun auto durant quels dis, saja strusch pussaivel d'organisar in sistem da lavar la vaschella pauc cumplitgà.

Dal tut vul Andrea Thür-Suter dentant betg sclauder l'idea, perquai vegn ella a persequitar, co ch'il sistem funcziuna sin il Hegisplaz.

Festa be pli cun sistems reutilisabels – l'emprova politica

Avrir la box Serrar la box

Il parlament giuven da Cuira aveva gia inoltrà ina petiziun per elavurar in rapport, che mussia als organisaturs da festas grondas, tgenins sistems da vaschella reutilisabla che pon vegnir duvrads tar talas festas.

Il parlament da la citad da Cuira ha dentant refusà las proposta dal parlament giuven cun 9 cunter 11 vuschs. Cun ina nova petiziun vul il parlament giuven uss danovamain far squitsch politic.

RR actualitad 07:20

Artitgels legids il pli savens