Uschia è la quota da dischoccupaziun il settember en il Grischun tar 0,9%. Vitiers ha il chantun dumbrà il settember 70 persunas dischoccupadas da lunga durada e naginas interpresas cun lavur curta.
Legenda:
Quota da dischoccupaziun: Cliccar sin ils onns per activar e deactivar las lingias per cumparegliar la quota da dischoccupaziun da differents onns
Cifras da l'Uffizi d'industria, mastergn e lavur GR
Dischoccupaziun en Svizra
En Svizra è la quota da dischoccupaziun restada il settember sin 2,4% sco gia l'avust. Quai communitgescha il secretariat da stadi per l'economia SECO. La fin da settember ha la Svizra registrà en total 106'000 persunas senza lavur. Cumpareglià cun il settember 2017 èn quai 26'000 persunas dischoccupadas pli pauc. Sco quai ch'il SECO scriva è er sa reducida il settember la dischoccupaziun dals giuvens. Quella munta actualmain ad ina quota da 2,5%.
RR novitads 09:00