L'emprima gasetta edida a Cuira, la «Churer Zeitung», è vegnida edida da Bernard Otto. Igl era ina gasetta conservativa. Bun trais decennis hai dà mo questa gasetta a Cuira. Lura è la «Bündner Zeitung» vegnida lantschada, ina gasetta liberala.
«Der Freie Rätier» en duas emprovas
Suenter che Peter Conradin von Planta ha gì fundà la gasetta il 1843, è questa dentant tschintg onns pli tard gia stada a fin. Pir tar la segunda lantschada, entras in anteriur redactur dal «Bund», è la gasetta vegnida da s'etablir. Il 1971 èsi lura vegnì tar la collavuraziun cun il «Bündner Tagblatt» ed il 1975, cun la fundaziun da la «Bündner Zeitung», è lura l'istorgia da «Der Freie Rätier» ida a fin.
La Biblioteca chantunala dal Grischun a Cuira mussa en in'exposiziun l'istorgia da la pressa da Cuira. Questa è vegnida curada da l'istoricher e schurnalist Hansmartin Schmid. L'exposiziun vegn averta glindesdi saira a las 18:00.
RR actualitads 17:30