La cumissiun dal Cussegl grond per sanadad e fatgs socials ha predeliberà la missiva da la regenza tar las contribuziuns per sanar fermadas da bus tenor la lescha davart l'egualitad da persunas cun impediments. Ella ha decidì unanimamain ch'il chantun duai sustegnair las vischnancas cun 25 milliuns francs per adattar fermadas da bus tenor ils basegns da las persunas cun impediments.
Prescripziuns dal dretg federal
Cun quests daners pon las vischnancas adattar fermadas da bus ed uschia ademplir la lescha davart l’egualitad da persunas cun impediments ch’è en vigur dapi il 2004. Il termin d'adattaziun è fixà a 20 onns, el scada ils 31 da december 2023.
Il Cussegl grond vegn a tractar questa fatschenta en la sessiun da december 2019.
Ord l'archiv
Ils obstachels sch'ins gira cun ina sutga da rodas tras la citad da Cuira.
RTR novitads 11:00
