Chantun - 25 milliuns francs per il guaud da protecziun
Per 25 milliuns francs vegn il guaud da protecziun mantegnì quest onn en il Grischun. Previs èsi tranter auter da promover la diversitad da las spezias e tgirar il guaud giuven. Plinavant vul ins far tagls da laina en territoris malaccessibels.
La regenza grischuna ha approvà il project collectiv «Selvicultura 2018» cun custs totals da 24,96 milliuns francs. Il project è vegnì elavurà en collavuraziun cun var 200 proprietaris da guaud publics e privats.
Finanzià vegn quest project tras meds da la Confederaziun, dal chantun e dals proprietaris da guaud.
