Siglir tar il cuntegn

Chantun 3,4 milliuns per la tgira d'uffants cumplementara

L'auter onn sustegn il chantun la tgira d'uffants cun stgars 3,36 milliuns francs. Las vischnancas sustegnan la tgira d'uffants cumplementara a la famiglia cun la medema summa.

Uffants en ina canorta d'uffants.
Legenda: Mintg'onn sustegn il chantun purschidas sco canortas d'uffants cun daners. Keystone

La regenza ha fixà la tariffa da contribuziun per purschidas da la tgira d'uffants cumplementara a la famiglia per l'auter onn. Cun 3,36 milliuns francs vegn il chantun a sustegnair canortas, uniuns da geniturs da di sco er geniturs da di privats. Sper contribuziuns dal chantun vegnan questas structuras da tgira er finanziadas tras contribuziuns dals geniturs, tras donaziuns sco era tras las contribuziuns da las vischnancas.

La regenza fixescha mintg'onn ils custs normads e la tariffa da contribuziun dal chantun per purschidas da la tgira d'uffants cumplementara a la famiglia.
Tenor planisaziun dal basegn da las vischnancas quintan ins cun var 690 plazzas per la tgira d'uffants cumplementara a la famiglia.

RR actualitad 09:00