La lavur dal team da concept per ils gieus olimpics en il Grischun custa probabel 350'000 francs. Quai ha ditg Angela Casanova-Maron – deputada liberala en il cussegl grond e responsabla per las finanzas da l’uniun gieus olimpics 2026. Inclus en questa summa sajan era duas giadas ina taxa da 25'000 francs ch’ins stoppia pajar per s’annunziar per ina candidatura tar Swiss Olimpic.
Il quint final dal team cun Andreas Wieland a la testa, na saja dentant anc betg avant maun, ha ditg cusseglier guvernativ Jon Domenic Parolini. Il chantun aveva mess a disposiziun ina summa da 400'000 francs per elavurar in concept per la candidatura grischuna per ils gieus olimpics d'enviern 2026.
Il cussegl grond tracta il credit da 25 milliuns per ina candidatura grischuna per gieus olimpics en la sessiun dals 5 - 7 da december 2016. La votaziun dal pievel è lura ils 12 da favrer 2017.
RR novitads 10:00
