Siglir tar il cuntegn

Header

video
Act festiv – Museum dart dal Grischun
Or da RTR dals 22.06.2016.
laschar ir. Durada: 25 Secundas.
cuntegn

Chantun 4'500 persunas a l’avertura dal museum d’art

En in act festiv è vegnida introducida ina nova epoca per il museum d’art Grischun. Blers prominents da la cultura a da l’economia han celebrà l’avertura dal tract nov dal museum d’art.

Gist en pliras etappas vegn il tract nov dal museum d’art Grischun inaugurà. Uschia è vegni celebrà en in act festiv cun represchentants dal chantun e da las medias ord l’entira svizra l’avertura uffiziala. L’architectura dal bajetg nov è vegnida ludada da tuttas varts. Il bajetg cun il num «Art da la fuga» dals architects spagnols Barozzi/Veiga s’integreschia bain en il maletg da la citad.

Blers pleds da blera prominenza

video
Avertura Museum d'art dal Grischun
Or da Telesguard dals 22.06.2016.
laschar ir. Durada: 3 minutas 31 Secundas.

La manadra dal Uffizi federal da cultura Isabelle Chassot ha accentuà che l’effect dal bajetg sa manifesteschia pir cura che las festivitads d’avertura sajan finidas. Il Grischun haja cun quest bajetg ina ulteriura, da gia bleras, perla architectonica. Er da la partida a l’avertura era il president dal Cussegl dals chantuns Raphael Comte. Naturalmain eran era da la partida ils Cussegliers guvernativs Mario Cavigelli, sco er il Cusseglier guvernativ Marin Jäger. Undrada è era vegnida la donatura Margot Bodmer.

Grond resun

Part da l'inauguraziun han era fatg ils dis da las portas avertas durant la fin d'emna. Tenor atgnas indicaziuns èn radund 4'500 persunas idas a guardar l'exposiziun dal Museum d'art dal Grischun a Cuira la fin d'emna.

TR Telesguard 22.06.2016

Artitgels legids il pli savens