La disgrazia saja capitada venderdi saira curt suenter las tschintg. Quatter persunas èn mortas tar la crudada. L'aviun saja partì da Sion ad in sgol panoramic, cura ch'el saja crudà sin il glatscher dal «Mont-Durand». Uschia ha communitgà la Polizia chantunala dal Vallais. La raschun per la crudada n'è anc betg clera. Er davart las unfrendas n'han las autoritads anc fatg naginas indicaziuns.
