La Lia Rumantscha ha tschernì per quest onn trais projects per ses atelier d’artists a Beirut. Durant trais mais sa movan artistas ed artists tranter las tensiuns da la cultura rumantscha e libanaisa, scriva la Lia en ina communicaziun.
Illustraziuns, fotografias e teater
Las artistas e l’artist che dastgan lavurar a Beirut vi da lur projects culturals èn
- l’illustratura Pia Valär
- il fotograf Donat Caduff e
- las trais teatristas Annina Sedláček, Anna Mengiardi e Marina Blumenthal.
L’aspect central communabel dals projects è il connex cun la lingua e cultura rumantscha. Grazia a la stretga collavuraziun cun l’ambassada svizra a Beirut pon ils artists entrar en contact cun persunas da la scena culturala locala gia avant il segiurn en l’atelier.
RR novitads 12:00