Siglir tar il cuntegn
Inhalt

Chantun 5% dapli pernottaziuns per l'hotellaria grischuna

Augment surproporziunal per l'hotellaria grischuna ils emprims tschintg mais da quest onn. Cun bun 2,3 milliuns pernottaziuns ha l'hotellaria da noss chantun registrà 4,9% dapli giasts che durant la medema perioda da l'onn avant. 6 da 10 giasts ch'han pernottà en il Grischun derivan da la Svizra.

sis clavs da chombras da hotel
Legenda: Ils emprims tschintg mais da l'onn èn empermettents. Keystone

Dal schaner fin la fin da matg han ils hotels svizzers nudà 14,8 milliuns pernottaziuns. Quai è in augment da 3,6% visavi la medema perioda da l'onn passà. Quai communitgescha l'Uffizi federal da statistica. Ils giasts indigens han generà 6,9 milliuns pernottaziuns, quels da l'exteriur 7,9 milliuns. Da las 14 regiuns turisticas en Svizra han sulet la Svizra orientala (-0,2%) ed il Tessin (-8,6%) nudà ina reducziun da pernottaziuns.

Legenda:
Pernottaziuns en Grischun: Cliccar sin ils onns per activar e deactivar las lingias per cumparegliar las pernottaziuns da differents onns. Cifras da l'Uffizi federal da statistica (2005-2018)

RR novitads 11:00