Siglir tar il cuntegn

Chantun 5 ovras electricas ston sanar l'aua restanta

Pertutgadas da la decisiun da la regenza grischuna èn: L'ovra electrica Zervreila, la Frisal SA, l'Axpo Hydro Surselva, la Flims Electric e l'ovra electrica da la vischnanca da Samignun.

Ina tschiffada da l'ovra electrica Zervreila.
Legenda: Ina tschiffada da l'ovra electrica Zervreila. mad, Chantun Grischun, Axpo

Tar l'Axpo Hydro Suselva è l'ovra Pintrun pertutgada, tar la Flims Electric, l'ovra Bargaus e tar la vischnanca da Samignun l'ovra Schergenbach.

Cun questas ordinaziuns fetschian ins in ulteriur pass impurtant per sanar l'aua restanta en il Grischun. Fin ussa èsi vegnì reglà la sanaziun da 184 da las 231 tschiffadas d'aua en il chantun. La finamira da las sanaziuns è da tegnair quint als spazis da viver en ils flums. Las ovras ch'èn fin uss obligadas da sanar lur tschiffadas produceschan ensemen radund 86% da l'entira producziun d'energia idraulica en il Grischun.

RR novitads 10:00