Siglir tar il cuntegn

Header

cuntegn

Chantun 50 filialas èn gia svanidas ils ultims 10 onns

Las bancas Raiffeisen, UBS e la Banca chantunala stritgan adina dapli filialas. Ils ultims 10 onns èn 50 filialas svanidas en il Grischun.

La Banca Raiffeisen, la UBS e la Banca chantunala han tuttas trais stritgà filialas ils ultims 10 onns. Fertant che la Raiffeisen ha serrà 35 filialas dapi l'onn 2009, ha la Banca chantunala serrà 14 e la UBS 1 en il Grischun.

Decisiun economica

La muria da filialas ha da far cun la digren da la populaziun e cun la dumonda reducida. Sin basa da la dumonda decidan las bancas schebain i renda da manar vinavant ina filiala u betg. Betg il davos èn er las novas pussaivladads sco per exempel E-Banking la culpa che la dumonda da filialas sa reducescha.

Banca Raiffeisen stritga 250 filialas en Svizra

La fin favrer aveva la banca Raiffeisen annunzià da stritgar var 250 filialas en Svizra ils proxims 5 onns. La raschun: adina dapli clients liquideschan lur fatschentas da banca via internet. Questa decisiun aveva procurà per discussiuns.

Oz preschenta l'uniun Grischuna da las Bancas Raiffeisen sias cifras. La bilantscha vegn spetgada cun tensiun.

Artitgels legids il pli savens

Scrollar a sanestra Scrollar a dretga