50 onns perfuraziun dal tunnel dal San Bernardino

Avant 50 onns han ils lavurers festivà la perfuraziun dal tunnel dal San Bernardino che collia direct il nord cun il sid - ed en muntada regiunala la Valragn cun il Mesocco.

Laschar ir video «La perfuraziun dal tunnel (Antenne, 12.04.1965)»

La perfuraziun dal tunnel (Antenne, 12.04.1965)

3:49 min, dals 12.4.1965

Il tunnel ha bler traffic. Il 2013 èn en media mintga di passa 6'700 vehichels ids tras il tunnel. Total èsi tenor las calculaziuns da l'uffizi da construcziun bassa dal Grischun stà 2'461'512 vehichels. Quai è 200'000 viadis dapli ch'avant 10 onns.

Cronologia

1935 - In biro d'inschigniers elavura l'emprima proposta per far in tunnel a San Bernardino.

1961 - Il cussegl federal approvescha da bajegiar il tunnel dal San Bernardino en il rom dal program naziunal per las vias naziunalas.

Fanadur 1961 - Las lavurs per il tunnel cumenzan.

Laschar ir video «Las lavurs per il tunnel (Filmwochenschau, 30.11.1962)»

Las lavurs per il tunnel (Filmwochenschau, 30.11.1962)

1:20 min, dals 30.11.1962

10.04.1965 - Il di da la perfuraziun. En la fasa suandonta geva quai per bajegiar l'arvieut da betun.

Atun 1966 - La platta per ils vials è messa. Lura èn suandadas las paraids e la cuvrida da la via.

1. da december 1967 - Avertura uffiziala dal tunnel dal San Bernardino.

1985-2008 - Sanaziun totala dal tunnel, quai cun laschar avert el per il traffic.

Frequenzas dal traffic al San Bernardino

Bernardino: Sin basa da las cifras da l'Uffizi da construcziun bassa dal Grischun è il traffic al San Bernardino creschì ils ultims onns.