50 onns scola da selviculturs Maiavilla

Gia dapi 50 onns datti la scola da selviculturs a Maiavilla. Quai è vegnì festivà il venderdi saira cun ina gronda festa.

Gia dapi 50 onns datti la scola da selviculturs a Maiavilla. Bild in Lightbox öffnen.

Legenda da maletgs: Gia dapi 50 onns datti la scola da selviculturs a Maiavilla. MAD

Sch’i va per laina e guaud èsi la scola ch’igl è da visitar: Il Center da furmaziun per il guaud a Maiavilla. El porscha gia dapi 50 onns scolaziuns en questa direcziun.

A chaschun dal grond giubileum è perquai vegnì fatg festa a Maiavilla. Preschenta al grond di da festa era tranter auters er la presidenta da la Confederaziun Doris Leuthard. Plinavant era er il cusseglier guvernativ Mario Cavigelli da la partida.

La lavur sco selvicultur è sa midada ils ultims onns

La lavur sco selvicultur n’è betg pli da cumparegliar cun pli baud. Ozendi tutgan era blera lavur da biro e bleras sesidas tar las incumbensas, di il mainascola Stefan Brülhart-Caprez. Ins n’è betg pli tut il temp giuadora sco selvicultur.

Dapi passa sis onns è Stefan Brülhart-Caprez il mainascola da la scola da selviculturs a Maiavilla. Avrir maletg en lightbox.

Legenda da maletgs: Dapi passa sis onns è Stefan Brülhart-Caprez il mainascola da la scola da selviculturs a Maiavilla. RTR, G.C CANDINAS

«  Mo 4 da las 864 persunas che han fatg la scolaziun da selvicultur ils ultims 50 onns èn stadas dunnas. »

Stefan Brülhart-Caprez
mainascola da la scola da selviculturs a Maiavilla

Tge ch'è dentant adina stà tuttina è che l’interess da lavurar en il guaud è bler pli grond tar umens. 864 persunas hajan fatg ils davos 50 onns la scolaziun da selvicultur, mo 4 èn stadas dunnas.

RR actualitad 17:00/06:10