Dapi la primavaira 2019 è la tecnologia da 5G er activa en il Grischun. Las valladas grondas e las chapitalas sco Cuira, Tavau, San Murezzan u Glion èn cuvridas bain cun la rait ultrasperta. A Cuira èn activas 22 antennas en ils auters lieus ed il conturn da quels chatt'ins sin la carta interactiva diesch antennas. Insumma hajan tenor las firmas da communicaziun 95% da la populaziun en Grischun teoreticamain access a la nova tecnologia.
Dapli infurmazuins
Cumbat pitschen cunter grond
Il cumbat cunter las antennas da telecommunicaziun è uschè vegl sco las antennas. Cun la nova tecnologia saja dentant il cumbat pir dretg impurtant, dian ils adversaris.
Il cumbat saja bain in cumbat da pitschen cunter grond, el saja però uschè impurtant sco mai, ma er per part frustrant, sch'ins vesa che vischnancas sa zuppian davos paragrafs, leschas e mesiraziuns dals purschiders da telecommunicaziun.