24 uras a di, 365 dis ad onn vegn la grafica sin strassen.gr.ch actualisada. In lavurant da pichet fa mintga damaun sia tura. El controlla las vias per las qualas el è responsabel e notescha tut quai ch'i dovra per rumir la via. Quellas infurmaziuns dat el vinavant a la centrala dal district. En l'Engiadina Bassa è quai a Scuol, tar il schef dal district Jachen Kienz.
En il mender cas va quai tschintg minutas, dal lavurant sin via enfin che quai è sin la rait.
El, in auter responsabel u il secretariat tippa las infurmaziuns en in formular online. Ina giada ch'il clic sin «acceptar» è fatg, è l'infurmaziun online. Plinavant organiseschan els là era ils vehichels per rumir la via.
Avrir e serrar ina via
Sche in lavurant, la polizia u il SLF a Tavau vesa in problem, sco in grond privel da lavinas, po el directamain serrar la via. Uschia na perdan els betg temp, segir è segir. A medem temp vegn puspè actualisada la grafica. Persunas che han abunà las novitads survegnan in SMS u in mail.
Situaziun da vias
Proxim predecer
Suenter sa scuntra ina cumissiun per decider co ir vinavant. Cun agid da datas, cun mirar al lieu u cun in helicopter pon els far in maletg da la situaziun e decider co vinavant.
RR actualitad 11:00