Siglir tar il cuntegn

Header

cuntegn

Chantun 64% dapli concurs en il Grischun

Dal schaner fin l'october han tut en tut 180 firmas dal Grischun stuì deponer la bilantscha. Quai èn 70 firmas dapli che durant il medem temp da l'onn passà e correspunda ad in augment da 64%. Quai mussan las novas cifras da la firma da cussegliaziun Bisnode D&B.

Dal schaner fin l'october 2018 èn pli paucas firmas vegnidas fundadas che durant il medem temp da l'onn 2017. Tut en tut èn 745 firmas s'inscrittas da nov en il register da commerzi. Quai èn 24 damain che l'onn avant.

Situaziun naziunala

En Svizra stagnescha il dumber da novas fundaziuns da firmas. Tranter il schaner e l'october èn passa 35'500 firmas s'inscrittas da nov en il register da commerzi. Quai èn bun 100 dapli che durant il medem temp da l'onn passà.

Creschì è però er il dumber dals concurs, numnadamain per 1%. En tut han dal schaner fin l'october passa 5'700 interpresas fatg concurs en Svizra – la gronda part da quellas en la Svizra orientala.

RR novitads 10:00

Artitgels legids il pli savens