Siglir tar il cuntegn

Header

broschuras
Legenda: La cussegliaziun da professiun ha actualmain lieu per regla per telefon u video. Las infurmaziuns sin palpiri retschaivan ils giuvenils tuttina, quai en format digital. Keystone
cuntegn

A moda digitala Nagina cussegliaziun da professiun al lieu

«Tge professiuns datti insumma? Tge vegn jau da far bain?» Talas dumondas sa tschentan las scolaras e scolars dal stgalim superiur actualmain. Annette Decurtins, cussegliadra tar l'Uffizi per la furmaziun professiunala, enconuscha las dumondas ed ils quitads dals giuvenils e po relativar.

Pervi da l'obligaziun da lavurar da chasa anora porscha er la cussegliaziun da professiun ses servetsch a moda digitala. Enstagl ch'ils giuvenils van tar la cussegliadra u tar il cussegliader en il biro regiunal, datti ina cussegliaziun per telefon u video. Tut ils meds digitals che funcziunan e gidan vegnan nizzegiads. Annette Decurtins e ses collegas da lavur han constatà ch'ils giuvenils han ramassà l'ultim onn las abilitads da duvrar quels meds. En general sajan ils resuns buns.

audio
Cussegliadra da professiun davart temas da chattar in'emprendissadi
02:08 min, Actualitad dals 21.04.2021.
laschar ir. Durada: 02:08 minutas.

Malgrà la pandemia sajan las dumondas dals giuvenils restadas las medemas, sco Annette Decurtins declera. Per part hajan ils giuvenils gì fadia da chattar in lieu da fufragnadi ed en consequenza hajan quels tema da betg chattar ina plazza d'emprendissadi. Qua po la cussegliadra però quietar:

Il dumber da plazzas publitgadas è varià mo minimalmain. Per il 2021 eran 971 plazzas publitgadas, e quai èn mo 39 damain che l'onn avant.
Autur: Annette Decurtinscussegliadra da professiun, studis e carriera

A giuvenils ch'èn en tschertga d'ina plazza d'emprendissadi cusseglia la dunna dal fatg da tschertgar il discurs cun manaschis u emprendistas ed emprendists pli vegls sco er da s'infurmar sin www.cussegliaziun.ch, il link avra en ina nova fanestra.

RTR actualitad 08:00

Artitgels legids il pli savens

Scrollar a sanestra Scrollar a dretga