En ina decleraziun d'intenziun scriva il departament da sanadad dal Son Gagl, ch'el vul surdar la gestiun da l'ospital da Walenstadt en trais pass a l'ospital chantunal da Cuira.
Surdada en trais pass
En in emprim pass duessan vegnir surdads mobiglias, apparats ed installaziuns a l'ospital chantunal sco nov gestiunari. L'edifizi ed il terren duain vegnir vendids per 8 milliuns francs a las vischnancas participantas a l'ospital da Walenstadt.
En in segund pass duai il chantun elavurar in plan concret per transferir la gestiun. Quest process duai cumenzar l'avust. Quest pass cumpiglia tranter auter la nova relaziun da lavur cun ils collavuraturs e las collavuraturas.
En in terz pass duai quai dar la glisch verda dal parlament chantunal dal Son Gagl, da l'ospital chantunal da Cuira e da las vischnancas participadas. In plan da temp concret, na dettia anc betg, uschia il departament da sanadad dal Son Gagl.