Adina dapli cas da burnout u depressiuns

Depressiuns u perfin in burnout. Per quests motivs èn bun 560 persunas stadas l’onn 2014 en clinicas dal servetsch psichiatric dal Grischun. Quai èn 31% da tut ils cas, sco ins po leger en il rapport annual.

Laschar ir video «Bilantscha annuala dal servetsch psichiatric dal Grischun»

Bilantscha annuala dal servetsch psichiatric dal Grischun

2:06 min, Telesguard dals 15.4.2015

Sch’ins cumpareglia cun ils davos onns è quai in fitg aut dumber. Il 2004 èn bun 320 persunas stadas en ina clinica pervi da depressiuns u burnouts.

Il dumber vegnia tgunsch era anc a crescher en il futur, manegia Fadri Ramming, il president dal cussegl d’administraziun dals servetschs psichiatrics dal Grischun. Dentant betg pli uschè rasant sco ils davos onns.