Siglir tar il cuntegn

Header

cuntegn

Agid a victimas Danovamain cusseglià dapli persunas

L’onn 2019 ha l’Agid da victimas Grischun cusseglià 763 victimas da violenza e persunas pertutgadas da mesiras repressivas per motivs da provediment. Dapi il 2015 è il dumber uschia creschì per 40%. Cunquai ha il dumber da cussegliaziuns cuntanschì in nov livel maximal, scriva l’Uffizi dal servetsch social.

Il dumber da novs cas da cussegliaziun è restà constant ils ultims onns.
Però è la durada da las cussegliaziuns s’augmentada. Fertant ch'ins haja pudì finir il 2015 anc radund la mesadad dals cas entaifer in onn, sajan quai uss be anc radund 34%.

Da las 763 persunas han 137 duvrà cussegl pervi da mesiras repressivas. 626 persunas han tschertgà sustegn pervi da violenza – radund 47% pervi da violenza a chasa.

Cussegliaziuns per l'agid da victimas

Avrir la boxSerrar la box

Al Post da cussegliaziun per l'agid a victimas pon sa drizzar persunas ch'èn vegnidas violadas en lur integritad corporala, sexuala u psichica. I n'emporta betg cura che quest abus ha gì lieu – per part è quai stà avant blers decennis. Er n'èsi betg necessari d'avair inoltrà ina denunzia penala per vegnir cusseglià da l'Agid a victimas. Il Post da cussegliaziun per l'agid a victimas mussa numnadamain a las persunas pertutgadas lur dretgs e lur pussaivladads ed intermediescha, sche necessari, ulteriurs agids.

RTR novitads 10:00

Artitgels legids il pli savens

Scrollar a sanestra Scrollar a dretga