Siglir tar il cuntegn

Header

cuntegn

Agid a victimas L’agid a victimas ha cusseglià damain persunas

Il post da cussegliaziun per l’agid a victimas dal Grischun ha cusseglià l’onn passà 714 persunas. Cumpareglià cun il 2019 èn quai bunamain 50 pli pauc. En il diagram èn preschentads cussegliaziuns en connex cun delicts specifics.

En Svizra 5% dapli cussegliaziuns

En l’entira Svizra è il dumber da cussegliaziuns percunter s’augmentà per 5% sin 43 '263 cussegliaziuns. En total èn vegnidas concedidas indemnisaziuns da 5,3 milliuns francs. Cumpareglià cun il 2019 è quai in minus da 22%. Quai demussan las ultimas cifras da l’Uffizi federal da statistica.

Cussegliaziuns

Da tut las 43'263 cussegliaziuns il 2020 era la gronda part dunnas (73%). Mintga tschintgavla persuna (18%) era il mument da la cussegliaziun minoren e la mesadad (52%) eran Svizzers.

Var la mesadad (48%) da las cussegliaziuns pertutgava blessuras corporalas u violenza. 29% pertutgava mulestas sexualas.

Cussegliaziun agid a victimas

Avrir la box Serrar la box

Al Post da cussegliaziun per l'agid a victimas pon sa drizzar persunas ch'èn vegnidas violadas en lur integritad corporala, sexuala u psichica. I n'emporta betg cura che quest abus ha gì lieu – per part è quai stà avant blers decennis. Er n'èsi betg necessari d'avair inoltrà ina denunzia penala per vegnir cusseglià da l'Agid a victimas. Il Post da cussegliaziun per l'agid a victimas mussa numnadamain a las persunas pertutgadas lur dretgs e lur pussaivladads ed intermediescha, sche necessari, ulteriurs agids.

RTR novitads 10:00

Artitgels legids il pli savens