Siglir tar il cuntegn

Header

cuntegn

Chantun «Agid d'execuziun» per realisar lescha da segundas abitaziuns

Il chantun ha surlavurà sias recumandaziuns per la lescha davart abitaziuns secundaras. Tenor communicaziun saja quai capità sin basa d'enconuschientschas dals davos 3 onns. Da nov datti uss in «agid d'execuziun» che duai sustegnair las vischnancas pertutgadas, co applitgar la lescha.

Il document cuntegna respostas adattadas, agiuntadas ed er novas, sco era exempels concrets da cas, per far pli simpel da chapir las bleras dumondas co applitgar la lescha da segundas abitaziuns en la pratica. Plinavant sa drizza «l'agid d'execuziun» a tuttas persunas interessadas; particularmain ad interpresas da construcziun, biros d'architectura e planisaziun ed advocats.

Applitgar la lescha a moda unitara

Responsablas èn vinavant las vischnancas. Ellas èn obligadas da sa tegnair vid la lescha ed er da resguardar las decisiuns da dretgiras. «L'agid d'execuziun» è perquai da chapir sco recumandaziun. Il departament d'economia e fatgs socials è be il post da surveglianza. Cun las recumandaziuns surlavuradas, vul il departament dentant dar sustegn per che la lescha possia vegnir applitgada a moda unitara en l'entir chantun.

RR novitads 09:00

Artitgels legids il pli savens