Siglir tar il cuntegn

Header

cuntegn

Chantun «Agid per giuvenils fiss da bajegiar or»

Pli baud è ella stada la chasa d'orfens, uss è ella ina clinica per uffants e giuvenils cun problems psichics: la «Chasa da terapia Fürstenwald» a Cuira ha avert la fin d'emna a chaschun dal giubileum da 35 onns sias portas.

Davent da la chasa vesan ins sur la citad da Cuira en Surselva, sur las vignas sin las ruinas da Haldenstein ubain sur il guaud Fürstenwald en direcziun dal Montalin. In bel lieu. Ils 28 uffants e giuvenils ch'abitan e van qua a scola n'èn però betg qua pervia da la bella survista, els dovran agid terapeutic.

La chasa da terapia Fürstenwald è ina maschaida da scola speziala e clinica per uffants e giuvenils. Uffants cun problems psichics sco tema, depressiun ubain problems socials vegnan qua a scola ed a terapia. Sch'ils problems èn memia pesants, abitan els per in temp da tranter dus mais e dus onns en la clinica. «La finamira è adina da pudair trametter els puspè enavos en la famiglia ed en la scola publica», di il psicolog Reto Mischol, che lavura dapi 25 onns en la chasa da terapia.

«Agid per giuvenils fiss da bajegiar or»

Ed er per giuvenils tranter 14 e 18 onns ha quai set plazs staziunars en chasa. Els pateschan bleras giadas da grondas crisas da adolescenza ubain depressiuns cun suicidalitad. Reto Mischol vuless gugent bajegiar or la purschida per giuvenils. «En cas grevs stuvain nus bleras giadas trametter ils giuvenils en clinicas pli grondas en auters chantuns. Quai è in survetsch che manca en il Grischun», di Mischol.

RR actualitad 07:00

Artitgels legids il pli savens

Scrollar a sanestra Scrollar a dretga