Siglir tar il cuntegn

Header

Cussegliaziun
Legenda: Keystone
cuntegn

Agid social Uffants e giuvenils spezialmain pertutgads

Bunamain 2'700 persunas han duvrà il 2018 agid social en il Grischun. Quai èn 1,4% da la populaziun ed uschia ina da las pli bassas quotas da l'entira Svizra.

La media svizra è tar 3,2%. Quai ha communitgà la Chanzlia chantunala. Quasi mintga terza persuna ch'ha duvrà agid social en il Grischun è stada pli giuvna che 18 onns.

La quota da l'agid social è restada relativamain constanta ils ultims 10 onns; tranter 1,1 fin 1,4% da la populaziun. Er constantas èn restadas las gruppas che dovran agid social: uffants e giuvenils, persunas divorziadas, persunas nubilas, persunas ch'educheschan sulettas e persunas estras.

Pli grond risico tar uffants e giuvenils

L'onn 2018 han 783 uffants e giuvenils tranter 0 e 17 onns duvrà agid social. Quai correspunda a 2,5% dals uffants e giuvenils en il Grischun – en Svizra è questa quota tar 5,2%.

Tut en tut han 410 chasadas cun uffants e giuvenils duvrà agid social. Quai èn 2,3% da tut las chasadas cun uffants. Passa la mesadad da questas chasadas consistan d'ina persuna creschida cun in u plirs uffants.

Agid social

Avrir la boxSerrar la box

Agid social survegnan persunas ch'èn vegnidas en difficultads finanzialas. Quest agid garantescha il minimum d'existenza sche l'agen salari, daners da dischoccupaziun, rentas u stipendis na tanschan betg; sche la facultad è consumada e sch'er il sustegn da la parentella manca.

RTR novitads 10:00

Artitgels legids il pli savens

Scrollar a sanestra Scrollar a dretga