Il dumber da bains purils è puspè sa diminuì il 2019: En il Grischun datti anc 2'250, quai èn 28 manaschis pli pauc ubain -1,2% cumpareglià cun l'onn 2018.
Bains convenziunals datti anc 945 en Grischun (26 pli pauc ch'il 2018). Bains biologics datti anc 1'305 (2 pli pauc ch'il 2018). Ils bains han cultivà il 2019 total 56'177 hectaras funs, quai èn 146 hectaras dapli che l'onn avant.
Er en Svizra in sumegliant purtret
L'onn 2019 eran anc registrads 50'038 bains purils en Svizra. Quai sajan 1,6% damain ch’il 2018, scriva l’Uffizi federal da statistica. Ed in onn avant era quai ina digren da 1,5%.
Els occupan 150'100 persunas e cultiveschan totalmain 1,04 milliuns hectaras. Era il dumber dals animals è sa reducì: vatgas da latg -1,7% e portgs - 4,1%. S'augmentà ha dentant il dumber da giaglinom e quai per 2,5%.
Grischun il pli biologic
Cun bunamein 37'000 hectaras è il Grischun il chantun cun la pli gronda producziun biologica da l'entira Svizra. 65.8% dal terren agricol en il Grischun vegn cultivà a moda biologica.
En l'entira Svizra munta questa cumpart be a 16,5%. Il dumber da bains purils che produceschan a moda biologica è dentant s'augmentà en Svizra per 3,6% e noda bunamain 7300.
Ord l'archiv:
|
|
