Siglir tar il cuntegn

Header

Vatgas vid magliar en stalla.
Legenda: Adina pli bleras puras e purs produceschan tenor standards biologics. Keystone
cuntegn

Agricultura en il Grischun Adina dapli terren vegn cultivà a moda biologica

En il Grischun vegn cultivada 66% da la surfatscha da moda biologica. Quai è record svizzer, tenor las cifras da l'Uffizi federal da statistica. En il chantuns Berna, Argovia u Sogn Gagl munta quella quota a gnanc 15%. Ultra da quai ha il Grischun er ils pli blers manaschis da bio, en tut 1'305 da total 2'215. Quai èn 58% da tut ils bains purils en il chantun.

Er en Svizra datti adina dapli manaschis da bio

La midada structurala en il sectur d'agricultura cuntinueschia. En l'entira Svizra midan adina dapli manaschi sin bio. Tenor il rapport dal BfS saja la cumpart da manaschis da bio creschida per 3.8%. Quai è in plus da 7'561 bains da bio. En tut saja il dumber da manaschis en Svizra dentant ì enavos, quai sin total 49'363 manaschi purils, quai correspunda ad in minus da 1.3% cumpareglià cun il 2019.

Ord l'archiv

En la Svizra ed er en il Grischun è il trend en l'agricultura vers bio.

video
Er il pli grond bain puril dal chantun a Realta n'è anc betg bio
Or da Telesguard dals 19.05.2020.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga