Siglir tar il cuntegn

Header

video
PCD e PBD vulan far chaussa communabla
Or da Telesguard dals 19.04.2021.
laschar ir
cuntegn

Allianza dal Center Grischun PCD e PBD dal Grischun han gust da maridar

La basa da la PBD e PCD Grischun sustegnan fitg cler la midada dal num tar Allianza dal Center Grischun ed era la fusiun da las duas partidas. Quai mussan retschertgas tar las commembras e commembers da las duas partidas.

85% da las persunas dumandadas da la PCD han dà il consentiment ad ina fusiun, medemamain han 95% da quels ditg Gea ad ina fusiun. Era al nov num Allianza dal Center Grischun han 79% da las commembras e dals commebers cristiandemocrats ditg Gea, sco er 95% da la PBD.

Elavurar contract da fusiun

Ina gruppa da project communabla vegn ussa ad elavurar in contract da fusiun ed ils statuts. Davart quels decidan las duas radunanzas da delegadas e delegads ils 7 da zercladur, hai num en ina communicaziun communabla. Las fracziuns dal Cussegl grond duajan vegnir unidas tar la fracziun da l'Allianza dal Center.

«Superpussanza» en il Cussegl grond

Cun unir er las fracziuns dal Cussegl grond fiss l'Allianza dal Center almain per in onn la pli pussanta fracziun dal parlament – tar ella tutgassan 51 deputadas e deputads sco er 3 cussegliers guvernativs.

RTR novitads 14:00

Artitgels legids il pli savens

Scrollar a sanestra Scrollar a dretga