Chantun - Alp Transit: directur Renzo Simoni sa retira
Renzo Simoni dat giu ses uffizi sco directur da la Alp Transit Gotthard SA cun la fin da zercladur 2017. La raschun è ch'il Cussegl federal ha elegì Simoni sco represchentant dal stadi en il cussegl d'administraziun da la Swisscom.
L’interpresa è patruna da construcziun da la NEAT cun ils tunnels da basa dal Gottard e dal Ceneri. La filiala da las Viafiers federalas è vegnida fundada il 1998 ed occupescha oz 150 persunas a la sedia principala Lucerna sco era ad Altdorf, Sedrun e Bellinzona.
L'um grischun ch'è inschigner da construcziun e planisader dal territori ETH è stà dapi l'avrigl dal 2007 parsura da la direcziun da la AlpTransit.
Sut sia direcziun è il tunnel da basa dal Gottard vegnì construì ed inaugurà il prim da zercladur da quest onn uffizialmain. A medem mument è il tunnel da basa dal Ceneri vegnì perfurà cumplettamain.
L'interpresa ha communitgà ch'il cussegl d'administraziun vegnia ad instradar la tschertga per in successur.
