Siglir tar il cuntegn

Header

Chaschiel
Legenda: La regenza vul sustegnair la vendita da spezialitads regiunalas - il Cussegl grond sto dentant anc approvar il sustegn. CDM / Christof Sonderegger
cuntegn

Alpinavera Sustegn finanzial per promover spezialitads regiunalas

La regenza promova la vendita da spezialitads regiunalas da l’agricultura e sustegna l’uniun purtradra Alpinavera cun 840'000 francs. Quai per ils onns 2022 fin 2026.

I vala però la resalva ch'er ils chantuns participads sco er la Confederaziun finanzieschian lur parts. Er il Cussegl grond sto anc approvar ils credits che vegnan pajads en transchas annualas.

Part da l’uniun, ch'è vegnida fundada il 2006, fan sper il chantun Grischun er ils chantuns Glaruna, Uri e Tessin. En l’entira Svizra è Alpinavera ina da quatter organisaziuns che survegn agid finanzial da la Confederaziun per promover la vendita da spezialitads.

Alpinavera è creschida ils ultims onns, er entras l'entrada dal Tessin en l'uniun, pli e pli fitg. Ella ha pudì profitar dal trend a dapli regiunalitad. En il fratemp sa participeschan 554 manaschis a l'uniun.

audio
Per tadlar: Las novitads da las 10:00
03:11 min, RTR Audio dals 29.04.2021.
laschar ir. Durada: 03:11 minutas.

RTR Novitads 09:00

Artitgels legids il pli savens

Scrollar a sanestra Scrollar a dretga