Siglir tar il cuntegn
Inhalt

Chantun Alternativa chantunala per far donaziuns

Il mez da quest onn cumenza la fundaziun tetgala d'utilitad publica dal Grischun sia lavur. Ella promova projects d'utilitad publica en connex cun il chantun Grischun e porscha er servetschs per che persunas possian far pli simpel donaziuns.

Beat Ryffel, Andrea Stadler, Martin Nigg, Barbara Janom Steiner, Barbara Gabrielli, Gion Claudio Candinas, Susanna Gadient (da san.)
Legenda: Il cussegl da fundaziun: B. Ryffel, A. Stadler, M. Nigg, B. Janom Steiner, B. Gabrielli, G. C. Candinas, S. Gadient (da san.). MAD

La fundaziun è in'alternativa per donaturas e donaturs che vulessan evitar las stentas temporalas, administrativas e finanzialas en connex cun la constituziun e cun la gestiun d'ina fundaziun independenta. Lur ideals possian ellas ed els realisar gia a partir da 50'000 francs cun in fond spezial, scriva il chantun.

Cun ils meds dal fond cuminaivel vegnan promovids projects en ils secturs cultura, sport, fatgs socials, furmaziun e sanadad. Il cussegl da fundaziun vegn presidià da la cussegliera guvernativa Barbara Janom Steiner. La fundaziun tetgala d'utilitad publica è vegnida stabilida sin iniziativa d'in'incumbensa parlamentara. Ella è in'alternativa per donaturas e donaturs.

RR novitads 11:00