Siglir tar il cuntegn

Header

video
L'alternativa skis cun rodas
Or da RTR dals 14.12.2016.
laschar ir. Durada: 1 minuta 56 Secundas.
cuntegn

Chantun Alternativa tar passlung - skis cun rodas

La Engiadin’Ota ha gia passa 30 kilometers loipas. Era a Tavau, Lai u a Sedrun pon ins far sias rundas. Dentant betg tut las regiuns han il luxus d'avair loipas cun naiv artifiziala. Uschè per exempel en la regiun da Cuira. Dentant era là datti opziuns per pudair far passlung.

Skis cun rodas vegnan durant la stad savens era duvrads dals passlungists professiunals per trenar. Skis cun rodas pon dentant era esser ina buna opziun per passlungists amaturs. Uschè pon ins numnadamain exercitar ils moviments da passlung avant che la naiv è arrivada u per spargnar in ni l’auter viadi en il territori cun loipas artifizialas. Tar ils skis cun rodas ston ins star pli exact sin il ski e plazzar meglier il bastun per che quel tegna lura era sin la via dira.

Tut tenor tge model custa in pèrin skis cun rodas tranter 200 e 300 francs. Las butias da sport spezialisadas en la regiun porschan suandantas opziuns:

Skis cun rodas en la regiun da Cuira


Bieler Sport, Bonaduz
Joos Top Sport, Cuira
Athleticum/ Ochsner Sport/ SportXX
cumprar
gea
gea na
testargeageana
fittar
nagea
na
cursnageana

Alternativa inlineskates

Tgi che na vul betg investir memia blers raps en skis cun rodas po era cumenzar cun inlineskates. Sch’ins va lura pli savens vali forsa la paina dad investir en in pèrin piz da via (ca. 10.-- francs) per betg rumper quels per l’enviern.

Artitgels legids il pli savens