La regenza che l'amplificaziun dal traject N13 tranter Rehanau/La Punt e Giuvaulta vegn integrada en la rait da las vias naziunalas, è dentant betg cuntenta cun il tempo da realisaziun da quella.
Projects per eliminar stretgas, nua ch'i dat basegns decisivs dal traffic naziunal ed internaziunal, stoppian survegnir dapli paisa da la Confederaziun. Sin il traject da Rehanau e Giuvaulta sajan ils criteris per priorisar il cas ademplids. La regenza propona perquai d'integrar l'amplificaziun da quest traject en l'orizont da realisaziun 2030 e betg sut «ulteriurs horizonts da realisaziun».
Colonnas e sviament betg adattà
Sin il traject dettia pervia d'augment da traffic adina colonnas durant la fin d'emna. Il sviament correspundent circulescha sin la via chantunala tras ils vitgs da Razén e da Panaduz cun ses stretgas e zonas da 30 na saja betg adattà per il traffic da transit tranter las alps. La situaziun actuala saja numnadamain ni cuntantaivla per ils abitants, ni ord motivs da segirtad da traffic.
RR novitads 10:00