Gia duas uras avant la preschentaziun èn ils emprims aspectaturs sa radunads en la sala polivalenta a Sagogn. Tar ina bavronda ed ina buccadina da l'apero èsi vegnì discutà e fatg viva. Bunamain tut il team davant e davos la camera è stà preschent.
-
audioBunura: Amur senza fin – Opiniuns d'abitants da Sagogn02:45 min, ord Actualitad dals 27.08.2018.laschar ir. Durada: 2 minutas 45 Secundas. -
audioBunura: Amur senza fin – intervista cun Mariano Tschuor05:04 min, ord Actualitad dals 27.08.2018.laschar ir. Durada: 5 minutas 4 Secundas.
Duas salas plainas
Bunamain 300 persunas eran s'annunziadas per la premiera. Mo in local per preschentar na bastava perquai betg pli. Uschia è il film vegnì preschentà en dus locals. Suenter ina pitschna introducziun cun il reschissur e suenter in pled da Gilles Marchand, il directur general da la SRG, e da Mariano Tschuor, l'iniziant dal film, è vegnì preschentà il film «Amur senza fin».
«Laud senza fin»
Quels da Sagogn èn per gronda part stads fascinads da la cumedia rumantscha. Surtut la mimica dals acturs ha adina puspè procurà per risadas. Ed er ils differents caracters en il film han parì a quels da Sagogn fitg autentics. «Ina istorgia che pudess propi era capitar en il vitg», ha manegià in dals aspectaturs.
La dumengia è stada ina preschentaziun supplementara a Sagogn. Ils 23 da settember 2018 a las 20:05 vegn «Amur senza fin» emess sin SRF 1.
RR actualitad 07:00
