Siglir tar il cuntegn

Header

cuntegn

Analisa da Ernst & Young Banca chantunala grischuna saja «fitg segira»

La Banca chantunala grischuna saja vinavant chapitalisada surproporziunalmain bain. Cun quai saja ella ina banca «fitg segira». A quella conclussiun vegn in rapport che la Regenza grischuna ha laschà far ils experts independents da la societad Ernst&Young.

La probalitad ch'il chantun stoppia intervegnir en in cas da responsabladad saja vinavant fitg pitschna. Quai è la conclusiun principala dals experts. La fin da l'onn muntava la substanza da ristga da la banca a 2,6 milliardas francs. Quai che saja cumpareglià cun autras bancas – surtut bancas chantunalas – ina summa fitg auta.

La davosa analisa che la regenza ha laschà, è stada dal 2016. Cun quai che la banca è creschida vinavant, ha sviluppà ses champs da fatschenta ed er pervia da la pandemia da corona vuleva la regenza dentant in nov rapport.

Ord l'archiv

Il 2020 ha la Banca chantunala grischuna fatg pli pauc gudogn che l'onn avant. Motiv perquai era la pandemia.

video
La Banca chantunala ha fatg gudogns pli bass ch'anc l'onn passà
Or da Telesguard dals 04.02.2021.
laschar ir

RTR novitads 20:00

Artitgels legids il pli savens

Scrollar a sanestra Scrollar a dretga