Siglir tar il cuntegn

Header

cuntegn

Chantun Anc adina nagina scolaziun per scolasts primars tar secundars

Ils scolasts secundars mancan. Ma tuttina na datti betg ina scolaziun per scolasts primars che vulessan far la midada en il stgalim aut en il chantun Grischun. La Scol'auta da pedagogia dal chantun Turitg ha midà las structuras dal studi – ma betg anc adattà il reglament.

audio
Bunura: Nagina scolaziun per magisters secundars en il Grischun
ord Actualitad dals 23.05.2017.
laschar ir. Durada: 3 minutas 36 Secundas.

En il Grischun mancan scolasts secundars. Posts en scola secundara vegnan uschia savens occupads cun scolasts primars.

La soluziun fiss da porscher in nov studi da scolast secundar per scolasts primars en il chantun a la Scola auta da pedagogia grischuna a Cuira.

Ma Turitg ha retard

La Scol'auta da pedagogia dal chantun Turitg (PHZH) avess dad esser la madritscha da quest studi, perquai che sulettamain universitads dastgan porscher in tal studi da scolast secundar. Ma uss ha la PHZH midà la structura da studi ed anc betg adattà il reglament.

Uss drova quai ina lubientscha da la Conferenza dals directurs chantunals d'educaziun. Uschè ditg che questa manca, na datti era betg ina scolaziun da magisters secundars en il Grischun. Gian-Paolo Curcio, rectur da la Scol'auta da pedagogia dal Grischun, deplorescha quella situaziun.

RR actualitad 07:00

Artitgels legids il pli savens